تحولت المشادة الكلامية بين الإعلامى وائل الإبراشى، والفريق كامل الوزير وزير النقل، وذلك بعد عرض الأخير، فيديو لزحام داخل مترو الأنفاق وسط أجواء عدوى كورونا.

وقال وزير النقل، إن الفيديو الذى بثه الإعلامي وائل الإبراشى، كان يوم الأربعاء وقت تطبيق الحظر، معلقاً: "غير مقبول تعرض صور يوم الأربعاء قبل الحظر بدقيقة، والنهاردة مكنش فيه أى زحام".

السلوك البشري

وتابع خلال مداخلة هاتفية لبرنامج "التاسعة"، المذاع عبر التليفزيون المصرى، مع الإعلامى وائل الإبراشى، أن هذا السلوك البشرى كان يوم الأربعاء، متابعا: "مكنش فيه زحام وركبت كل القطارات وشوفت كل المترو، بس تقول إيه، اللى اتعمل وصور النهاردة إيه، واللى اتعمل قلته فى كل التليفزيونات، يا أستاذ وائل أنت إعلامى محترم، لو سمحت هات صور إمبارح والنهاردة وأول امبارح، وشوف الحكومة عملت إيه".

واستكمل وزير النقل: "مش مقبول حضرتك تطلع صورة النهاردة، وكانت يوم الأربعاء قبل الحظر".

وأنهى وزير النقل المداخلة، قائلاً: "أنا بشكرك يا أستاذ وائل على مجهودك واللى أنت عملته ومتشكر جدا".

تعقيب الإبراشي

ورد الإعلامى وائل الإبراشى: "كان فيه زحام وجزء منه سلوك بشرى نعمل إيه، إذا أنت واخد المسألة موجهة لحضرتك لا مش دا الهدف، ولسه فيه زحام"، مردفاً: "محدش قال إن الصور النهاردة".

وأردف الإبراشى: "لما بنعرض ده الهدف هو إنه حال الزحام دى متحصلش تانى، وحالة التكدس دى ميحصلش تانى"، مضيفا: "القضية مش قضية مسؤوليات فردية الآن، الناس كلها في مركب واحد، يبقى الناس كلها تتحمل المسئولية من مجهود بشرى والمسئولين في قطاعا الدولة المختلفة".

الإبراشى: من حق الوزير يدخل بالشكل ده، قلنا اللى عندنا واللى علينا، وهو دخل عبر عن موقفه بالطريقة اللى هو عاوزها، ولو الناس شافت زحاما شديدا في محطات المترو يقول، من اللى أخطأ، وأتمنى إن الوزير يكسفنا وينتصر علينا، والشعور بالهزيمة أكون مبسوط بيه لأننا بيه هننقذ الناس، لو قالنا تعالى معايا، مستعد أروح معاه".

واستكمل: "بينا وبينه احترام كبير، وهو من الشخصيات التي عهد اليه هذه المهمة لأن له تاريخ كبير من الإنجاز، ونتمنى الإنجاز مستمر، ويبقى مفيش زحام".