"الجدول "

مكان التواجد : فى المحكمة و يسجل به القضية كاملة ، من وقت دخولها المحكمة لحين وقفها .

"الاجندة "

اللي بيتسجل الآتى :

- اللي تم في الجلسه

- ارقام الحصر

- نعرف منها القرار السابق للجلسه، والرول وتكون موجوده مع سكرتير الجلسة.

الاجنده يحدد فيها الجلسه باليوم.

"البروتستو ".. وهو المختص بالدعاوي التجاريه وده المكان اللي بيطلع منه الورقه اللي بتثبت إن الشخص اللي انا عايز اشهر افلاسه مدفعش الكمبياله.

"دفتر الاحوال ".. موجود في القسم واللى بيتسجل فيه المحاضر اللي دخلت القسم بارقامها .

"الاستيفاء":-

مكان التواجد : في القسم والمحكمه وده عباره عن مجموعه من امناء الشرطه اللي لو في اجراء ناقص او خانه مش تامه في المحضر هما اللي بيكملوها

*مثال :-

عند تقدم البلاغ ضد شخص ومش عارف غير اسمه ثنائي وظيفه الاستيفا، يبعت امين شرطه يستوفي الاجراءات دي يعني الاسم ايه وطبعا من العنوان.

*وفي حالات اجراءات المعاينة أيضا بتبقي من الاستيفا، والاستيفا ليس لها دفتر دي عباره عن غرفه فيها الامناء بتوع الاستيفا وبنعرف إن كان المحضر لسه في الاستيفا ولا لأ عن طريق الاجنده .

"الرول ".. عبارة عن قائمة يكون مرتب فيها القضايا اللي هتداول في الجلسة.

"الفهرس".. يعرف منه ان كانت في قضايا مرفوعه ام لا،، وهذا اللى بيرتب القضايا اللي داخله للمحكمه.

"دفتر_الحصر".. يكون موجود فيه اذا كان المتهم قام بالمعارضة من عدمه او استأنف، وهذا فى غرفه التنفيذ،، وتاتى برقم الحصر من الاجندة.

"دفتر_الصادر_والوارد"..

مكان التواجد:-

في المحكمه وهذا عباره عن الفهرس المتسجل فيه المحاضر اللي جايه من القسم.

" رئيس القلم".. و هو رئيس سكرتاريه، الجلسات واللي بيبقي معاه الاختام،،بتحدد من عنده الرسم لما بترفع الدعوي،، و بتختم من عنده أي ورق متعلق بدايرته .

" امين_السر"

سكرتير_الجلسة

وهو السكرتير الذي يكتب وراء القاضي، ومعه الاجندة الخاصة اليوم والجلسه.

و تاخد منه صورة رسمية من المحضر او الحكم.