خرج الفنان أحمد فهمي على جمهوره بتصريحات في العديد من النواحي، منها الشخصية والمهنية، مثيرا بها موجة من الجدل وتحدث عن علاقته بهنا الزاهد وأكثر صفة يكرهها فيها، حيث قال:"ريح المدام" صنع اسمي كبطل، وأكثر صفة بكرهها في هنا الزاهد هي العصبية، وأي دراسة برا السينما بتديك معلومات مختلفة، دراستي للاقتصاد والعلوم السياسية وبعدها دراستي سيناريو وتمثيل خلت عندي معرفة كبيرة، يشرفني يتقال أني كاتب سيناريو جيد لأني أبقى صانع أهم من الممثل لو اشتركت في أعمال مش من كتابتي بكون فاهم كويس، والاتهامات بالتنمر قتلت الكوميديا".

وتابع: أحمد فهمي "واما" صديقي جدا ولو عملنا فيلم مع بعض اسمنا احنا الاتنين هيتكتب الأول وأنا حاطط صورته على واتساب، ومش بيزعجني سؤال أمتى هنرجع أنا وهشام ماجد وشيكو أنا مدين بنجاحي ليهم وجزء كبير من اسمي هما السبب فيه، وبقالي سنتين مش بدخل في خلافات مع الجمهور على السوشيال ميديا، أنا شخص طبيعي وهعيش وأموت طبيعي ومفيش حاجة هتغير وجهة نظري الحق دايما هقوله، وتجارب زواجي السابقة تعلمت منها كتير واحترم جدا زوجاتي السابقات وهما صديقاتي ولا يوجد بيينا خلافات".

واستكمل:"الذئب" أكتر حيوان أتمنى تربيته لأن فيه جزء كبير من شخصيتي، الذئب الحيوان الوحيد بيرفض أنه يروح السيرك لأنه بيرفض أنه يقدم عرض قصاد أكله وهو من الفصيلة اللي بحبها الكلاب وأنا محدش يلوي دراعي عشان ياخد حاجة، كلنا عاوزين ننجح ونجيب فلوس أنا بشتغل عشان أكون مبسوط".