وجه يوسف، نجل الفنان الراحل أشرف مصيلحي، رسالة مؤثرة لوالده بعد العزاء أمس الثلاثاء، عبر حسابه الرسمي على موقع تبادل الصور والفيديوهات الشهير "انستجرام".

ونشر يوسف أشرف مصيلحي، صور من مراحل عمرية مختلفة تجمعه بوالده، وأرفقها بتعليق قائلا: "الله يرحمك يا أطيب وأجدع وأحن أب في الدنيا وكان نفسي تكون موجود وشايف حب الناس وروحك الحلوة الموجودة في كل حد فينا تشوف الناس كلها بتقول عليك إيه من أصغر واحد لحد أكبر واحد، وأنا فعلًا مش فاكر ولو مرة واحدة أنت عملت حاجة ضايقتني أو حتى شدينا مع بعض زي أي أب وابنه وده عشان إحنا كنا صحاب وكنت بتفهمني وعارف دماغي".

وتابع:"أنا عارف أنك دلوقتي مرتاح أكتر بكتير وأكيد مبسوط وأنت شايفنا كلنا متجمعين وحاسس أكيد بكل المحبة اللي كانوا موجودين اليومين دول وهيفضلوا موجودين على طول، ودلوقتي أنا هعرف اتكلم معاك وعارف أنك هتسمعني يمكن أكتر من آخر فترة كنت موجود وسطنا عشان كنت تعبان فا مش بعرف اتكلم معاك".

واختتم: أنا عايزك تعرف إني بحبك أوي وهفضل شايل اسمك وأنا فخور إنك أبويا لحد لما أجيلك إن شاء الله.. بجد بحبك أوي يا بابا وعارف أنك أكيد في الجنة إن شاء الله.

وتوفى الفنان أشرف مصيلحي، الأحد الماضى، بعد صراع مع المرض دام 3 سنوات، عن عمر يناهز 49 عاما.

وتستعرض "الدفاع العربي" خلال السطور التالية رحلة حياة الفنان الراحل أشرف مصيلحي:

ولد الفنان أشرف مصيلحي في أبريل عام 1974 بالقاهرة، والتحق بالمعهد الفني الصناعي، كانت بدايته في السينما من خلال فيلم الأبواب المغلقة عام 2001، والذي حقق نجاحا كبيرا لينطلق بعده في عدة أفلام منها: أسرار البنات، جواز بقرار جمهوري، أول مرة تحب يا قلبي، الحياة منتهى اللذة، الرهينة، خالتي فرنسا، الجزيرة، وشارع 18.

كما شارك في مجموعة من المسلسلات التلفزيونية مثل سوء تفاهم، وهز وسط البلد، وقضية رأي عام، عيون القلب، وحارة المجانين، لهفة، ومسلسل الاختيار، ليصل بذلك رصيده الفني لأكثر من 70 عمل بين السينما والتليفزيون والمسرح.

حياته الشخصية

تزوج الفنان أشرف مصيلحي من المخرجة منال الصيفي ابنة المخرج الراحل حسن الصيفي والممثلة الراحلة زهرة العلا.

وشغل منصب مدير عام دور العرض بشركة أفلام مصر العالمية.