قالت الفنانة شيرين عبد الوهاب:" هناك مؤامرة معمولة عليا علشان أقعد فى البيت، وأنا مكنتش بتكلم وكنت قاعدة زى ست خيبتها والأن صوتي مش هيتقطع وهفضل أغني وراكبة القطر بتاعي ومحدش هيعرف يوقفه، خلاص أنا سكت كتير”.

وأضافت النجمة شيرين عبد الوهاب، خلال مداخلة هاتفية مع الإعلامي عمرو أديب في برنامج “الحكاية” المذاع عبر فضائية “mbc masr”، أنا بناشد القضاء المصري زي ما اتحكم لروتانا بالغلط انهم ياخدوا مني 8 مليون بالسرعة دي، أنا كمان القضايا اللي رفعاها يتحكم ليا بسرعة لأني ليا حق”.

وتابعت:" أنا فنانة كبيرة أوي أوي وجمهوري كبير وهم اللي هيقف لكل ما أثير من جدال حولي، وأنا سجن النسا واحشني جدا وأنا مستعدة أتسجن عادي جدا وأنا مش فارقة معايا حاجة، وخليني يا أستاذ عمرو أقفل قبل ما اقول مصايب اكبر من كده”.

وأشارت:" قولهم هم يا أستاذ عمرو، وأنا هبقي كوين فى السجن”.

وعن أزمتها مع شركة روتانا تحدثت شيرين عبد الوهاب، قائلة:" مع كامل إحترامي لكل من تكلموا فى الموضوع دا، قسما بالله العظيم كل كلامهم غلط حتي المحامي بتاعي، وأنا تعاقدت مع شركة روتانا علشان أنا مطربة دولية وعلى مستوي الوطن العربي، وروتانا واخداني نجمة الوطن العربي بعد ألبوم لازم أعيش”.

وأضافت:" العقد بيني وبين روتانا ينص على أن شيرين عبد الوهاب فى حال لم يتم عمل لها دعاية توازي حجمها دوليا وعربيا، يعتبر العقد فاسد، وأستأذنتهم خلال فترة كورونا بأغنية ومتعملهاش دعايا بخمسة جنيه، واغنية أخري نزلت ونجحت ولم يتم عمل لها دعاية أيضا”.

وعقبت: تحدثت مع مدير روتانا فى مصر وقلت له أنه من حقه إرسال رسالة للشركة المعنية وتوقف الأغنية وتقاضيهم وتأخذ منهم تعويض بصفته مالك صوت شيرين فى هذا الوقت، وما حدث أنهم بعتولي أنا الإنذار وخدوا مني 8 مليون جنيه”.