ردت الفنانة ريهام حجاج على منتقدى زواجها من طليق الفنانة ياسمين عبدالعزيز بطريقة حادة، واصفة إياهم بأنهم أصحاب نفوس مريضة، وذلك بعد نشر صورة من زفافها الأول.

وقالت "ريهام" على حسابها عبر "إنستجرام" تعليقا على الصورة : "الناس التافهة اللي اجتهدت عشان تطلع صورة قديمة لكتب كتابي من مجلة وتنشرها على إنها شئ ممكن يضايقني أحب أقولهم إطلاقًا"

وأضافت : "كل محاولات التشويه اللي عمالة تحصل لواحدة اتجوزت على سنة الله ورسوله من راجل مطلق أصلا إن دلت على شئ فتدل على مرض النفوس، ونصيحة للستات الفاضية مافيش راجل بيتسرق".

واستطردت: "الناس بتتجوز وتطلق عادي وكل شئ قسمة ونصيب وربنا اللي بيبقي كاتب ومقدر، بلاش تفاهة لو كل واحد طلع صورته من خمستاشر سنة حايلاقي شكله اختلف عادي خاصة صور الأفراح اللي فيها ٣ كيلو ماكياچ دا رسمة الحواجب بتفرق، المهم الجوهر وأنا مافيش حاجة في حياتي ممكن اتكسف منها، واللي حاصل دا ما شئ غير تفاهة وحقد عشان دا جواز، اللي الناس بتباركلي عليه، لا خبر بقضية قتل ولا فضيحة مخلة للآداب".

وتابعت: "كفاية هري وصحافة صفرا، طبعًا الكلام دا للمرضي النفسيين اما كل الناس الطبيعية اللي باركتلي وفرحتلي وماعرفتش أرد عليهم من كترهم بشكرهم".