نعت الفنانة "ياسمين علي" أمس على الحساب الرسمي الخاص بها على موقع التواصل الاجتماعي "فيس بوك" مدير الاعلام الأسبق لدار الأوبرا محمد حسني بكلمات تحمل في طياتها معاني الوفاء بالجميل:

"الراجل المحترم محمد حسني اللي وقف جنبي وفضل لآخر يوم له ف الأوبرا يسأل عني ودايماً كان يشجعني وف عز أي خنقة ليا كنت أجري على مكتبه وأحكيله اسباب خنقتي..وكنت ألاقيه دايماً يقولي متخليش حاجة توقفك وخليكي ف طريقك..عملت بنصيحتك (يا بابا) دايماً كنت أقوله يابابا لانه كنت بحس فيه انه زي بابا..الله يرحمه..توفي النهاردة..ربنا يثبته عند السؤال ويرحمه ويدخله الجنة ويغفرله ان شاء الله .. من فضلكم ادعوله وانتوا بتصلوا"

يذكر ان ياسمين علي قدمت في منتصف الشهر الكريم "اتخلقنا ضعاف" من انتاج Magic Records-MR واشراف عام دكتور أحمد سحاب.